Jinsi ya Kupata Leseni ya Biashara

Ili kupata leseni ya biashara inayotolewa na Halmshauri ya Wilaya ya Bahi unatakiwa kufuata hatua zifuatazo:-

Mfanyabiashara asiye na Namba ya Utambulisho wa Mlipa Kodi (TIN)

1. Fika ofisi ya Biashara ya Halmashauri ya Wilaya ya Bahi ili upatiwe Fomu maalum  kwa ajili ya kujaza taarifa zako za biashara
2. Nenda Ofisi ya Mtendaji wa Kijiji (VEO) katika eneo unalotarajia kufungua biashara yako ili akusainie na kukugongea mhuri
3. Kwa mfanyabiashara wa chakula na vinywaji (Vileo) lazima biashara yako ihakikiwe na kuthibitishwa na Afisa Afya wa eneo husika.
4. Kwa Mfanyabiashara wa Dula la Dawa Baridi ni lazima upate kibali kutoka Baraza la Famasia la Wilaya (Business Pharmacy Permit) Bahi
5. Fika Mamlaka ya Mapato Tanzania (TRA), Dodoma Mjini ili biashara yako isajiliwe na upatiwe Namba ya Utambulisho wa Mlipa Kodi (TIN).
6. Baada ya kupatiwa TIN, utakadiliwa kiasi cha Kodi utakachopaswa kulipa kulinga na biashara yako ili ukalipie Benki na baada ya kukamilisha malipo ya Benki utapatiwa Cheti cha Utakaso cha Mlipakodi (Tax Clearance Certificate).
7. Fika Ofisi ya Biashara Wilaya ya Bahi ukiwa na Cheti cha Utakaso cha Mlipakodi halisi (Original) pamoja na Nakala (Photocopy) ya Cheti cha Mlipa Kodi yaani TIN ili ukadiliwe na kupatiwa Ankra (Bili) ya Malipo ambapo utakwenda kulipia  Benki ya NMB kupitia Akaunti Na. 51710003392 Jina la Akaunti ni Bahi DC Own Source.
8. Baada ya malipo Na. vii kufanyika, rudi Ofisi ya Biashara ukiwa na Stakabadhi yako ya malipo ya Benki (Pay in Slip) ambapo utapatiwa leseni ya biashara yako.

Mfanyabiashara mwenye Namba ya Utambulisho wa Mlipa Kodi (TIN)

1. Fika ofisi ya Biashara ya Halmashauri ya Wilaya ya Bahi ili upatiwe Fomu maalum  kwa ajili ya kujaza taarifa zako za biashara
2. Nenda Ofisi ya Mtendaji wa Kijiji (VEO) katika eneo unalotarajia kufungua biashara yako ili akusainie na kukugongea mhuri
3. Kwa mfanyabiashara wa chakula na vinywaji (Vileo) lazima biashara yako ihakikiwe na kuthibitishwa na Afisa Afya wa eneo husika.
4. Kwa Mfanyabiashara wa Dula la Dawa Baridi ni lazima upate kibali kutoka Baraza la Famasia la Wilaya (Business Pharmacy Permit) Bahi
5. Fika Mamlaka ya Mapato Tanzania (TRA) utakadiliwa kiasi cha Kodi utakachopaswa kulipa kulinga na biashara yako ili ukalipie Benki na baada ya kukamilisha malipo ya Benki utapatiwa Cheti cha Utakaso cha Mlipakodi (Tax Clearance Certificate).
6. Fika Ofisi ya Biashara Wilaya ya Bahi ukiwa na Cheti cha Utakaso cha Mlipakodi halisi (Original) pamoja na Nakala (Photocopy) ya Cheti cha Mlipa Kodi yaani TIN ili ukadiliwe na kupatiwa Ankra (Bili) ya Malipo ambapo utakwenda kulipia  Benki ya NMB kupitia Akaunti Na. 51710003392 Jina la Akaunti ni Bahi DC Own Source.
7. Baada ya malipo Na. vii kufanyika, rudi Ofisi ya Biashara ukiwa na Stakabadhi yako ya malipo ya Benki (Pay in Slip) ambapo utapatiwa leseni ya biashara yako.

KUMBUKA KUWA:

Malipo ya Kodi ya Mapato yanayofanyika kupitia TRA ni kuanzia Januari 01 hadi Desemba 31 kila mwaka.

 Wakati malipo Leseni ya Biashara ni kuanzia Julai 01 hadi Juni 30 kila mwaka.