Samia Suluhu Hassan Kuapishwa Kuwa Rais

Imechapishwa: March 19th, 2021

Makamu wa Rais wa Jamhuri ya Muungano wa Tanzania, Mhe. Samia Suluhu Hassan leo tarehe 19 Machi 2021 anatarajiwa kuapishwa kuwa Rais wa Jamhuri ya Muungano wa Tanzania katika hafla itakayofanyika Ikulu jijini Dar es Saalam kuanzia saa 04:00 asubuhi.

Mheshimiwa Samia Suluhu Hassan anaapishwa kushika wadhifa huo kufuatia kifo cha aliyekuwa Rais wa Jamhuri ya Muungano wa Tanzania, Mhe. Dkt. John Pombe Magufuli kilichotokea tarehe 17 Machi 2021.

Kwa mujibu wa taarifa iliyotolewa na Kurugenzi ya Mawasiliano ya Rais, Ikulu leo tarehe 19 Machi 2021 kwa vyombo vya habari baada ya kuapishwa kwake, Mhe. Samia Suluhu Hassan atazungumza na wananchi kupitia vyombo vya habari na kasha ataongoza kikao cha Baraza la Mawaziri.