MH.ROSEMARY SENYAMULE AFUNGUA ZOEZI LA UPANDAJI MITI 200 KATIKA CHUO CHA VETA BAHI

Imechapishwa: February 20th, 2024

Mkuu wa mkoa wa Dodoma Mhe.Rosemary Senyamule amezindua zoezi la upandaji miti miche 200 katika chuo cha VETA kilichopo Wilaya ya Bahi kata ya Bahi,pia amesistiza utunzwaji wa miche hiyo ili iweze kuwa alama ya namna ya kutunza mazingira, akizungumza na viongozi wa wilaya hiyo na halmashauri amewataka pia kutunza chuo hicho kwani Mhe.Dk.Samia Suluhu Hassani Rais wa jamhuri ya Muungano ametumia gharama kubwa kuwekeza katika chuo hicho cha ufundi stadi.

Aidha, aliwakumbusha wanafunzi walio dahiliwa katika chuo hicho kusoma kwa bidii ili wawe mfano kwa wale wengine watakao kuja kujiunga baada ya wao kuhitimu mafunzo yao. Mhe.Rosemary Senyamule alipokelewa na Mkuu wa Wilaya ya Bahi Mhe.Godwini Gondwe pamoja nao viongozi wengine wa Halmashauri ya wilaya ya bahi akiwemo mwenye kiti wa halmashauri hiyo Mhe.Donald Mejiti (MNEC) na mkurugenzi mtendaji wa halmashauri ya wilaya ya bahi Bi.Zaina Mlawa  na kutembezwa katika maeneo mbalimbali ya chuo hicho