MKUU WA WILAYA YA BAHI MHE.GODWIN GONDWE NA MKURUGENZI MTENDAJI WA HALMASHAURI YA WILAYA YA BAHI BI. ZAINA MLAWA WAMESHIRIKI KATIKA SIKU YA USAFI YA MWISHO WA MWEZI NA KUFANYA USAFI KWA KUSHIRIKIANA NA WANACHI WA KATA YA ZANKA WILAY YA BAHI

Kama ilivyo kawaida katika Wilaya ya Bahi kumekuwa na utaratibu wa wananchi kuhimizwa  kushiriki katika zoezi la kufanya usafi kila wiki ya mwisho wa mwezi ili kuikinga jamii na magonjwa mbalimbali hasa kuelekea kipindi cha mvua ambazo zimeanza kunyesha katika maeneo mbalimbali hapa nchini. Utaratibu huo umeendelea kutekelezwa kwa vitendo ukiongozwa na Mkuu wa wilaya hiyo Mhe Godwini Gondwe akishirikiana kwa karibu na Mkurugenzi mtendaji wa Halmashauri ya Wilaya ya Bahi Bi. Zaina Mlawa ambao kwa pamoja wameshirikiana na wananchi wa wilaya hiyo kata Zanka katika kutekeleza zoezi la kufanya usafi wa mazingira.