Ardhi na Maliasili

Dira, Mwelekeo na Huduma zitolewazo na Idara ya Ardhi na Maliasili katika Halmashuri ya Wilaya ya Bahi:

DIRA: Kuwa idara inayotoa huduma  nzuri na Bora za  Ardhi kwa kwa kufuata Sheria Kanuni na Taratibu na zenye matokeo.

MWELEKEO: Katika kutoa huduma Idara itahakikisha kuwa huduma zote zinatolewa kwa usawa, bila aina yote ya ubaguzi wala upendeleo na zitakuwa shirikishi.

HUDUMA ZITOLEWAZO NA IDARA

Huduma zinazotolewa na Idara ni hizi zifuatazo:

SEKTA YA ARDHI

• Kupanga miji na vijiji kwa kuzingatia Sheria za Mipango Miji na Matumizi Bora ya Ardhi za mwaka 2007.
• Kupima viwanja na kuchora ramani kwa mujibu wa sheria ya upimaji na miongozo yake.
• Kugawa ardhi kupitia Kamati ya Ugawaji Ardhi
• Kuandaa nyaraka mbalimbali za umiliki wa ardhi.
• Kusimamia uendelezaji wa ardhi.
• Kutunza nyaraka zinazohusiana na ardhi.
• Kukusanya kodi za ardhi na tozo nyingine
• Kufanya uthamini wa ardhi kwa matumizi mbalimbali.
• Kushauri juu ya utatuzi wa migogoro ya ardhi.
• Kutoa elimu kwa uma juu ya sheria za Ardhi za mwaka 1999 na miongozo mbalimbali ya ardhi.

Sekta ya Maliasili na Mazingira

• Kusimamia maliasili kwa mujibu wa sheria zilizopo.
• Kusimamia matumizi endelevu ya maliasili ili kulinda mazingira.
• Kuelimisha na kuhamasisha jamii juu ya matumizi endelevu ya maliasili.
• Kusimamia masuala ya mazingira kwa mujibu wa sheria ya Mazingira ya mwaka 2004
• Kuelimisha uma juu ya masuala ya Mazingira.

Shughuli zilizotekelezwa kwa mwaka 2016/2017:-

(a) Ardhi

Wilaya imeendelea kutekeleza shughuli mbalimbali zinazohusu maendeleo ya ardhi, ikiwa ni pamoja na uendelezaji wa Makao Makuu ya Wilaya, upimaji wa mipaka ya vijiji na upangaji wa matumizi bora ya ardhi.  Aidha, katika kuhakikisha kuwa Makao Makuu ya Wilaya yanaendelezwa, kwa mwaka 2015/2016 jumla ya viwanja 420 vilipimwa na kumilikishwa kwa waombaji mbalimbali. Mchoro wa viwanja 405 umeidhinishwa na viwanja vitapimwa katika kipindi cha mwaka wa fedha 2016/2017 ambapo wilaya imepanga kupima viwanja 500. Hadi sasa upimaji wa awali wa viwanja 74 umefanyika.

 (b)  Misitu (isiyohifadhiwa)

Kwa sasa Wilaya inaendelea na mpango wa kutambua na kupima maeneo ya misitu isiyohifadhiwa na Serikali Kuu ambayo yako chini ya Serikali za Vijiji vyote 59. Mkakati wa Wilaya ni kuhamasisha na kusimamia wananchi watenge hifadhi za misitu ya vijiji. Hadi sasa jumla ya vijiji 18 vimetenga maeneo kwa ajili ya hifadhi ya misitu.

 (c ) Mazingira

Wilaya inaendelea na uoteshaji wa miche ya miti na kuisambaza vijijini na mashuleni hivyo kuweza kupandwa katika maeneo husika. Kwa kipindi cha 2015/2016, Wilaya imeotesha jumla ya miti 427,000 na kusambazwa katika maeneo mbalimbali ya Wilaya.

Changamoto kubwa tuliyonayo katika Sekta hii ni uwepo wa migogoro ya mipaka ya vijiji. Mgogoro mkubwa ni kati ya kijiji cha Mphangwe (Bahi) na kijiji cha Wiliko (Chamwino). Juhudi za kusuluhisha mgogoro huu zimefanyika bila mafanikio, na suala hilo Halmashauri imeiomba Ofisi ya Mkuu wa Mkoa wa Dodoma kusaidie kusuluhisha mgogoro huu.