Idara ya Maendeleo ya Jamii ni sekta mtambuka inayofanya kazi ya uraghbishi wa Kuwajengea uwezo na uelewa juu ya mwitikio kuanzisha na kuendeleza shughuli za kiuchumi pamoja kushiriki kwenye utekelezaji wa shughuli mbalimbali za za kimaendeleo, kijamii na kiuchumi ili waweze kuleta/kujiletea maendeleo chanya yaliyotarajiwa kufikiwa na jamii husika na hatimaye maisha bora.Hivyo mbinu shirikishi na zana mbalimbali za maendeleo ya Jamii ( PRA &O&OD) kwa kuemilisha jamii,kutoa hamasa/kulaghibisha wananchi ili watambue kuwa wao ndio msingi wa maendeleo kwa kutumia raslimali walizonazo ndani na nje ambazo hutolewa na Serikali pamoja na wahisani kutoka ngazi mbalimbali.
2.0 MUUNDO WA IDARA
Idara huongozwa na mkuu wa Idara ya Maendeleo ya Jamii na Vijana. Katika
Idara kuna madawati sita (6) ambayo yamegawanyika kiutendaji, madawati hayo yana
wakuu wake ambao kwa ujumla wake humsaidia mkuu wa Idara kiutendaji.Madawati hayo ni:-
1.Dawati la uratibu wa Ushirikishwaji wa Jamii
2.Dawati la uratibu wa Uwezeshaji wananchi na kupunguza umaskini
3.Dawati la uratibu wa Maendeleo ya watoto.
4. Dawati la uratibu wa masuala mtambuka
5. Dawati la uratibu wa Maendeleo ya jinsia
6. Dawati la uratibu wa Mashirika yasiyo ya Kiserikali.
i). Dawati la uratibu wa Ushirikishwaji wa Jamii.
Dawati hili linawajibu wa kuratibu kufuatilia na kutoa taarifa kuhusu ushirikishwaji jamii katika utatuzi wa changamoto za maendeleo ikiwemo uibuaji wa mipango na miradi inayozingatia vipaumbele vya jamii na Taifa.
Kuratibu ukusanyaji na uchambuzi wa Takwimu za jamii na kiuchumi zitakazotumika katika maandalizi ya mipango shirikishi.
Kuratibu uaandaji wa jumbe rahisi zinazoelimisha jamii kwa mtazamo chanya kuhusu miradi mikubwa ya Serikali pamoja na mikataba mbalimbali ya kimataifa,sera na dhana mbalimbali za maendeleo na maelekezo ya Serikali mfano;Ugautaji wa madaraka,Elimu Bure,mabadiliko ya tabia ya nchi nk.
Kuratibu shughuli za maendeleo ya Jamii TASAF.
ii). Dawati la uratibu wa Uwezeshaji wananchi na kupunguza umaskini
Dawati hili linashughulikia uwezeshwaji wa wananchi/jamii kiuchumi kupitia vikundi vya Uzalishajimali
Kutoa Elimu ya Ujasiriamali, kuhamasisha uundaji wa vikundi, kuunda majukwaa ya Wanawake na ya Kata ya uwezeshaji wananchi kiuchumi.
Kuratibu ukusanyaji na uchambuzi wa Takwimu za miradi na fursa mbalimbali za uwezeshaji wananchi kiuchumi kwa ajili ya matumizi ya mipango shirikishi.
Kuratibu mipango na tafiti mbalimbali kwa manufaa ya jamii.
iii). Dawati la uratibu wa Maendeleo ya watoto
Dawati hili kwa ujumla litahusika na kusimamia,kuratibu utekelezaji wa haki,utoaji wa elimuya malezi katika ngazi ya familia na maendeleo ya ujumla kwa mtotoikiwemo kuratibu ukusanyaji,uhuhishaji,uchambuzi na usambazaji wa takwimu zinazo wahusu watoto.Hivyo majukumu ya msingi ni:-
Kuratibu programu za haki na maendeleo ya mtoto zinazotekelezwa na wadau ili kuhakikisha zinafuata sera, sharia za serikali na mikataba ya kikanda na Kimataifa inayolenga haki za mtoto.
Kuhamasisha na kuelimisha familia, jamii na wadau katika kuwekeza kwenye malezi, makuzi na maendeleo ya awali ya mtoto ili kuwa na jamii bora iliyojengwa kwa misingi ya umoja na mshikamano wa kitaifa.
Kuhakikisha ukatili dhidi ya watoto unakomeshwa kwa kuongeza uelewa kwa jamii juu ya masuala ya haki,ulinzi na ustawi wa mtoto yanahimizwa kupitia redio,runinga,maadhimisho na mikutano na kuanzisha mabaraza ya watoto ya kata na vijiji.
iv). Dawati la uratibu wa masuala mtambuka
Kuratibu na kuhamasisha jamii kuhusu kujiunga na Bima ya Afya iliyoboreshwa ili kupata huduma za afya kwa gharama nafuu.
Kuratibu masuala ya lishe,mazingira na afya ya Jamii.
Kuratibu uthibiti wa maambukizi ya UKIMWI na Maambukizi mapya ya UKIMWI katika jamii.
v). Dawati la uratibu wa Maendeleo ya jinsia
Kusimamia, kuratibu na kufuatilia uingizwaji wa masuala ya jinsia katika programu, mipango na afua mbalimbali za maendeleo katika ngazi ya Halmashauri. Kuratibu mikataba na itifaki za kimataifa iliyoridhiwa na nchi wahisani.
Kuhakikisha masuala yote ya kijinsia yanaingizwa katika mipango ya vijiji, Mitaa na Halmashauri.
Kuratibu mafunzo mbalimbali ya Kijinsia kwa kadri ya mahitaji.
vi). Dawati la uratibu wa mashirika yasiyo ya kiserikali
Kuratibu na kusimamia shughuli zote za mashirika yasiyokuwa ya kiserikali ili kufuata maelekezo ya serikali, taratibu na kuhakikisha taarifa za utekelezaji zinaletwa kwa wakati.
Kufuatilia utendaji wa mashirika ili kujiridhisha kuhusu utendaji wao wa kazi
Kuratibu watoa huduma za msaada wa katika jamii na vikundi vya kijamii(CBOs).
Kutatua changamoto mbalimbali ikiwemo migogoro.
Kuandaa taarifa inayohusu mashirika yasikuwa ya Kiserikali na kuiwasilisha kwa msajili wa mashirika.
3.0 MAJUKUMU YA JUMLA YA WATALAMU WA MAENDELEO YA JAMII
Kushirikisha Jamii katiaka kuainisha fursa na changamoto zinazoikabili ili kujiletea Maendeleo.
Kuelimisha Jamii kuondokana na Fikra, Imani, Mila, Desturi na Tamaduni zinazokinzana na Maendeleo.
Kushirikisha Jamii katika kuwaunganisha na kuwawezesha makundi maalum katika fursa na Mchakato wa Maendeleo ili kuinua ustawi wao.
Kuratibu utekelezaji na uzingatiaji wa masuala ya jinsia katika Programu na Mipango ya Maendeleo katika Sekta mbalimbali
Kujenga uwezo kwa viongozi wa Halmashauri za vijiji/ Mitaa na serikali za Mitaa juu ya dhana ya Utawala Bora.
Kuwezesha jamii kutumia fursa ya sera za kisekta na mikakati yake katika kujiletea Maendeleo.
Kuwezesha wananchi kunufaika na fursa za Kiuchumi
Kuwezesha jamii kutekeleza Haki na Malezi ya Mtoto
Kuwezesha usajili, kuratibu na ufuatiliaji wa Mashirika yasiyo ya Kiserikali.
Kuwezesha jamii kutambua, kuanisha na kuzuia migogoro inayoathiri Maendeleo.
Kuratibu na kuhamasisha ushiriki wa jamii katika masuala mtambuka.
Kutoa Elimu ya Haki na Wajibu wa jamii na kuwezesha uratibu nausajili wa watoa huduma za msaada za kisheria katika ngazi ya Mikoa na Wilaya.
Kuelimisha jamii faida za miradi mikubwa ya Kitaifa kwa Maendeleo ya Taifa na fursa kwa Jamii.
