KATIBU TAWALA WA WILAYA YA BAHI BI.MWANAMVUA B. MUYONGO AONGOZANA NA MKURUGENZI MTENDAJI WA HALMASHAURI YA WILAYA BAHI NA TIMU YA WATAALAM WATEMBELEA MRADI WA BILIONI 3.69

Imechapishwa: July 22nd, 2025

Katibu Tawala Wilaya ya Bahi (Mwanamvua B. Muyongo) akiambatana na Mkurugenzi Mtendaji wa Halmashauri ya Wilaya ya Bahi (Bi. Albina William Mtumbuka) wametembelea Mradi uliofadhiliwa na kujengwa na  Bank ya NMB ikiwa Ujenzi   huo ni Shule ya Sekondary kwa ajili ya Wanafunzi wenye mahitaji maalumu, Mradi huu ambao unagharimu  Billion 3.69 unajengwa katika Kata ya Bahi ikiwa  lengo ni kuwasaidia Wanafunzi wenye mahitaji maalumu kuwezeshwa kupata haki yao ya Msingi ya kupata elimu iliyo bora.

Mradi huu wa Shule ya Sekondary una jumla ya Madarasa sita (6),Mabweni Mawili (2) yenye uwezo wa Kulaza Wanafunzi 80 kila moja , Mabweni hayo mawili moja ni kwaajili ya Wanafunzi wa Kike na Moja kwaajili ya Wanafunzi wa Kiume , Maabara mbili (2) (Chemistry na Biology), Bwalo la Chakula pamoja na Jengo la Utawala. Mpaka sasa Mradi umefikia asilimia 65 na mara baada ya Mradi huo kukamilika kwa kiasi kikubwa utawarahisishia kundi kubwa la Wanafunzi wenye mahitaji maalumu katika suala la kupata elimu na ujifunzaji  ili waweze kutimiza malengo yao ya baadae.