AFISA ELIMU MKOA (REO) AFANYA ZIARA NA KUWEKEANA MIKAKATI NA WALIMU WA SEKONDARI WA HALMASHAURI YA WILAYA YA BAHI.

Imechapishwa: January 18th, 2024

Afisa Elimu Mkoa ndugu Vicent kayombo akiwa na timu ya maafisa taaluma mkoa amefanya ziara leo tarehe 18/01/2024 nakuongea na Maafisa Elimu kata, Wakuu wa Shule na Walimu wa shule za sekondari.

Katika kikao hicho ambacho kilifunguliwa na Mkurugenzi Mtendaji wa Halmashauri ya Wilaya ya Bahi Bi. Zaina Mlawa ambapo aliwashihi walimu kusikiliza kwa makini maagizo na maelekezo yatakayotolewa na Afisa Elimu Mkoa na kuyafanyia kazi ili tuweze wilaya iweze kupata matokea mazuri katika elimu ya sekondari.

Afisa Elimu mkoa ndugu vicent kayombo alianza kwa kuipongeza Halmashauri ya Wilaya Bahi kwa kufanya vizuri katika ufaulu wa elimu msingi kwa kupata asilimia 97 na kuongoza matokoe hayo kwa mkoa wa Dodoma pia kipekee alimpongeza mkurugenzi mtendaji wa wilaya hiyo Bi.Zaina Mlawa na afisa elimu msingi ndugu bonifasi William kwa kufanya ufuatiliaji wa karibu katika eneo hilo la elimu msingi.

Afisa Elimu Mkoa ndugu Vicent Kayombo alitoa maelekezo yafuatayo kwa Maafisa Elimu kata,Wakuu wa Shule na Walimu wa shule za sekondari

• Walimu kupata chakula shule ili waweze kufanya kazi katika muda wa ziada (remidial time).
• Walimu kutoa kazi za nyumbani (home-work) kwa wanafunzi ili kuwaweka bize na kazi wakati wote wanapokua nje ya mzingira ya shule na homework hizo zifanyiwe marejeo/masahihisho asubuhi saa moja asubuhi.
• Wanfunzi walioko katika vidato vya mitahani waingie darasani saa moja kamili asubuhi.
• Shule zote kuunda bandi na kufanya mchakamchaka kupitia walimu wa michezo na kuimba nyimbo zote za kizalendo.
• Walimu wawe karibu na wanafunzi wate na kuwajua uwezo wao na kuona namna ya kuoboresha mapungufu hayo.

Kikao hicho kilicho anza saa sita kamili mchana na kukamilika saa 9:30 alasiri na walimu walishukuru kwa maelekezo yaliyotolewa na kuahidi kuyafanyia kazi kwa ukamilifu.