UHAMASISHAJI WA UMUHIMU WA BIMA YA AFYA YA CHF-ILIYOBORESHWA

Imechapishwa: September 3rd, 2017

HALMASHAURI YA WILAYA YA BAHI YAHAMASISHA WANANCHI WAKE KUJIUNGA NA MFUKO BIMA YA AFYA YA JAMII (CHF ILIYOBORESHWA).

Viongozi wa Halmashauri ya Wilaya ya Bahi wakishirikiana na Mkurugenzi Mtendaji wa Wilaya Bahi (Bibi.Rachel Chuwa)  wameamua kulivalia njuga suala la Afya Bora kwa Wananchi wake baada kupita katika Vijij vyake vyote Hamsini na Tisa (59) kuhamasisha na kutoa Elimu kwa Wananchi juu ya umuhimu wa kutumia huduma nafuu za Bima ya Afya ya CHF-ILIYOBORESHWA.

Aidha, Zoezi hilo la Uhamasishaji liliungwa Mkono kwa nguvu zote na Mkuu wa Wilaya ya Bahi MH. ELIZABETH KITUNDU ambaye aliambatana na timu ya Uhamasishaji kutilia mkazo kwa Wananchi juu umuhimu wa kujiunga na Bima ya  afya  pamoja na kutoa Matangazo mengine ya Kiserikali kama vile Ujenzi wa Vyoo,Utanzaji wa Chakula,Upigaji Chapa Ng’ombe ,Usafi wa Mazingira na Udumishaji wa Amani.